Bjørk A/B2-25

Strikkefastheit: 22 masker på pinne 3 - 4. 290 m/100 g.

Dette partiet farga me på Gamalostfestivalen i juni. Me kokte ei sterk fargesuppe av bjørkeblad og garnet fekk ein fin, olivengrøn farge. Partiet er det fyrste av to parti frå same gryte.

Bjørk frå elvebreidda langs Vikja.

BJØRK

«Betula»

Bjørkeblad gir gule og gulgrøne fargetonar. Fargen kan påvirkast av når i sesongen blada vert hausta, men vår erfaring er at blad frå tre som byrjar å gulna på hausten kan gi like sterk farge som nyutsprunge blad på våren/tidleg på sommaren.

Beisinga av garnet kan gi ulike fargar sjølv om det er farga i det same fargebadet. Garn beisa med jernvitrol gir gjerne mosegrøne fargar, og garn beisa med alun gir gule fargar.