Reinfann og Indigo A/RF3/I1.2-26

Strikkefastheit: 22 masker på pinne 3 - 4. 290 m/100 g.

Partiet er fyrst farga med reinfann, koden seier at det er bad 3 og dermed er den gule i botn ganske lys gul. Deretter har garnet fått eit bad i indigo, det 2. badet i indigogryta.

REINFANN

«Tanacetum vulgare»

Reinfann veks ofte i grøftekantar langs vegen og er lett å få tak i. Den har ein dekorativ blomsterklase med gule «knappar» og ein kan bruke både stilk, blad og blomst, men mest farge er det i blomsterklasane.

Reinfann gir gul farge i ulike nyansar, avhenging av styrken på fargeemnet og beisinga av garnet.

INDIGO

Indigofera tinctoria

Indigoplanten veks i Asia og har vore ei svært eksklusiv handelsvare. Fargestoffet er ikkje løyseleg med vatn og farginga krev difor ein spesiell prosess for å frigjera fargen. Indigofarging er veldig spennande! Garnet vert dyppa nokre minutt i gryta og er grønt når ein tek det opp, men endrar seg på sekundar til blått i kontakt med oksygen. Ein kan dyppa fleire gonger for å få mørkare blåfarge. Indigofargen legg seg rundt ullfibrane og ein kan difor oppleva tørrsmitting når ein strikkar. Då vert ein litt blå på fingrane, likeeins som ei dongeribukse kan avgi blåfarge på td. ein lys sofa.